Meri Maa, Meri Pyari Maa (A poem on Mother)

****Meri Maa, Meri Pyaari Maa*****

Tum meri janani, Main tumhari beti hun Maa
Tum meri prerna, main tumhari anuyayi hun Maa

Tumhari seva mei jeevan bitaoon, meri yahi ichcha hai Maa
Tumhari god mei so sakoon, mera jeevan safal ho Maa

Tum har pal mere saath ho, har khushi meri saugaat ho Maa
Tum bin jeena pade, aise din na raat ho Maa

Tumhare aansoo mere jeevan ki prerna bane, tumhare doodh ka karj mere mathey ka tilak ho Maa
Tumahri pratibimb ban sakoon,  mera jeevan ka yahi lakshya ho Maa

Tum meri Saans ho, Tum bin main kuch nahi Maa,
Tumhari umeedein poori karoon, Yehi mera udyesh ho Maa

Tumne mujhe jeevan diya, mai tumhari rini hun Maa
Tumhara rin chuka sakoon, aisa aashirwaad do Maa

Tumhara naam raushan karoon, itni samajh daan do Maa
Tumhara kavach ban sakoon, inti saahas pradaan karo Maa

Prarthna hai yahi har din... prati din
Tum bano meri rooh, main tumhari Ruhin banoon Maa

Meri Maa... Meri pyaari Maa..

- Jul 2012
--By Mantosh Singh..